आजको मिती : २०७४ असोज ७ शनिबार

समय :०६:०८

Logo

हाम्रो बारेमा

“सुचना र संगितको ध्वनि छर्दै, शुक्लागण्डकीको प्रवाहसँगै वगिरहन्छ निरन्तर” भन्ने नारा वोकेर प्राकृतिक, धार्मिक, ऐतिहासिक एवं साहित्यिक रुपले सु–सम्पन्न यस तनहुँ जिल्लाको पश्चिम क्षेत्रको सुचना केन्द्रको रुपमा वि.स. २०६८ श्रावण ४ गते परिक्षण प्रशारण शुरु गरी स्थापित हुन सफल यस रेडियो ढोरवाराही १०३.८ मेगाहर्ज ले आफ्ना लोकप्रिय कार्यक्रम एवं प्रशारण  सेवा मार्फत श्रोताहरुको मन जित्दै आफ्नो प्रशारणयात्राको तेश्रो वर्ष पार गरेर  पनि चौथो वर्षमा प्रवेश गरिसकेको छ । 
  विहान ५ वजेदेखि राती ११ वजेसम्म १८ घण्टा र ईन्टरनेटमा २४सै घण्टा प्रशारणमा आउने यस रेडियोले समााचार र सुचनामुलक कार्यक्रमलाई प्राथमिकता दिदैं कृषि, शिक्षा, स्वास्थ्य, साहित्य र मनोरञ्जनात्मक कार्यक्रमहरु प्रशारण गर्दै आएको छ भने विभिन्न व्यापारीक, वित्तिय, शैक्षीक एवं समाजीक संघ संस्थाहरुसँग पनि सहकार्य गरी कार्यक्रम उत्पादन एवं प्रशारण गर्दै आईरहेको छ । हामिले प्रशारण गर्ने कार्यक्रम एवं समाचारहरुमा कृषि, शिक्षा, पर्यावरण र पर्यटनलाई पनि उत्तिकै प्राथमिकता दिदैं आईरहेका छौं । अत्याधुनीक प्रविधियुत्त स्टुडियो र ५०० वाट को प्रशारण क्षमता भएको रेडियोको प्रशारण तनहुँ सँगै कास्की, स्याङ्गजा, पाल्पा, वागलुङ्ग, नवलपरासी, गोरखा, लमजुङ्ग र ईन्टरनेटको माध्यमवाट विश्वभर एकैसाथ सुन्न सकिन्छ ।          
      वदलिदो समाजमा जनताविच सामाजिक, राजनैतिक, साँस्कृतिक र आर्थिक चेतनाको स्तर उठाउन समाजका सामाजिक अगुवाहरुले निस्वार्थ सेवा गर्नुपर्छ भन्ने दावित्व वोधका साथ यस रेडियोको स्थापना भएको हो । ग्रामीण जिवन र व्यवहारका जनतालाई शहरी वातावरण, भोैतीक सुविधा, प्रविधिमा भएको विकास वारे जानकारी  गराई सरल जिवन विताउन सकिने चेतनाको वृद्धि गराउने उदेश्य रेडियो ढोरवाराहीले अङ्गिकार गरेको छ । 
  हालै मात्र नेपाल सरकारले घोषणा गरेका नयाँ नगरपालीका हरुमा यस क्षेत्रका साविक का गाविसहरु दुलेगौंडा, ढोरफिर्दि र खैरेनीटार लाई समेटेर वनाईएको नगरपालीका शुक्लागण्डकी नगरपालीका मा नगरपालीका ले सञ्चालन गर्ने कार्यक्रम तथा योजनाहरु र त्यसको प्रभावकारीता, पारदर्शिता, नगरपालीका वाट नगरवासीले प्राप्त गर्ने सेवा सुविधाहरु, पुरा गर्नुपर्ने दायीत्वहरु, कार्यलयका सुचनाहरु, जानकारीहरु र नगरवासीका प्रतिकृयाहरु लगायतका कुराहरुलाई सञ्चारमाध्यमवाट स्वदेश तथा विदेशमा रहेमा श्रोता तथा सरोकारवालाहरु सामु पुर्याउनु हामी जरुरी ठान्छौ र यस रेडियोको सामाजीक उत्तरदायीत्व हो भन्ने पनि सम्झेका छौं ।  अतः यी र यस्ता विषयवस्तुहरुलाई समेट्ने गरी हाम्रो यस रेडियो ले छिटो भन्दा छिटो साप्ताहिक रुपमा नगर गतिविधि रेडियो कार्यक्रम उत्पादन गरी प्रशारण गर्न ईच्छुक छौं । नगरपालीका का कार्यक्रम, योजनाहरु र सेवा सुवीधाहरुका विषयमा यस नगरक्षेत्रभित्रका नगरवासीहरुलाई सुसुचीत एवं जागरुक वनाउनुका साथै यस्ता कार्यक्रमहरुको विषयमा पारदर्शिता कायम गर्ने हाम्रो पहलप्रति सहकार्य गरी कार्यलयवाट प्राप्त हुनसक्ने आर्थिक सहयोग, सुचनाहरु र जानकारीहरु उपलव्ध गराई सहयोग गरिदिनुहुन पनि अनुरोध गर्दछौं ।
     अन्त्यमा राष्ट्रियता, राष्ट्रिय एकता, र सामाजिक सद्भाव कायम राख्न हामी हाम्रो तर्फवाट निरन्तर क्रियाशिल रहनेछौं । निष्पक्ष, जिम्मेवार र पेशागत आमसञ्चार नै कुनै पनि मुलुकको सम्मृद्धिको परिचायक हो भन्ने कुरामा हामी स्पष्ट छौं । हामी जनताको अभिव्यत्ति स्वतन्त्रताको एक शसत्त माध्यमको रुपमा स्थापीत हुन चाहन्छौं ।